طريقة عمل كباب الباذنجان المشوي في الفرن ????????????

اليوم عنا طريقة عمل اكلة أساسية لغدا سهل و سريع و محبوبة من طرف الكل وصفة كباب الباذنجان المشوي في الفرن هنعملها بأقل المكونات و بطريقة جديدة و بسيطة كتير و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
6 حبات من الباذنجان المشوي
1\2 ملعقة صغيرة من الملح
1 ملعقة كبيرة من الزيت

مكونات سوتيه اللحم:
3-4 ملاعق كبيرة من الزيت
400 جرام من لحمة رأس العصفور
1 حبة من البصل
1 حبة من الثوم
3 حبات من الفلفل الأخضر
1 حبة من الفلفل الأحمر
1 ملعقة كبيرة من صلصة البندورة
2 حبة من البندورة
1 ملعقة صغيرة من الملح
1\2 ملعقة صغيرة من الفلفل الأسود
1 كوب من الماء الساخن

طريقة التحضير:
1- بالبداية لتجهيز حبات الباذنجان النشوي هنعمل فيهم فتحات عشوائية في السكينة و نحطهم في صاج مناسب على النار و نضل نقلبهم على كل الأطراف بشكل متساوي لحتى يجهزوا معنا
2- و لما يجهزوا معنا حبات الباذنجان هنشيلهم من على النار و نحطهم في طبق مناسب و نحط عليهم قطعة من ورق الستريتش و نتركهم لحتى يبردوا و بهي الطريقة هنقدر نقشرهم بطريقة أسهل
3- اما هلق بعد ما يبردوا معنا حبات الباذنجان هنقشرهم من القشر المحروق و هنشيل منهم العقب و هنترك حبات الباذنجان المشوي على طرف و هننتقل لتجهيز سوتيه اللحم
4- و هنضيف في مقلاة مناسبة شوي من الزيت و نستنى الزيت لحتى يحمى بعدين هنضيف عليه لحمة رأس العصفور و نحركهم مع بعض و نترك اللحمة على النار لحتى تبدا تتشرب الماء لللي هتفرزها و هنحط علي الغطى لحتى تجهز بوقت أسرع و بين كل فترة و فترة هنشيل الغطى و نحرك قطع اللحمة
5- و لما تجهز معنا اللحمة و تتشرب كل الماء اللي فرزتها هنضيف عليها حبة من البصل و الثوم و نحركهم مع بعض بعدين هنضيف حبات الفلفل الأحمر و الفلفل الأخضر و نحرك كل المكونات مع بعض لحتى تذبل معنا حبات الفلفل
6- اما هلق هنضيف صلصة البندورة و حبات البندورة و هنكون مقشرينهم و فارمينهم على شكل ناعم و نحرك المكونات مع بعض كمان مرة
7- و اخيرا هنضيف الملح، الفلفل الأسود و الماء الساخن و نحرك كل المكونات مع بعض منيح للمرة الأخيرة بعدين هنحط الغطى على المقلاة و نترك سوتيه اللحم لحتى تجهز معنا
8- و بهالوقت هناخد حبات الباذنجان المشوي اللي جهزناهم و هنفرمهم على شكل مكعبات بعدين هنحطهم في قالب او صينية الفرن اللي هنستخدمها و هنضيف عليهم الملح و شوي من الزيت و نحركهم مع بعض بعدين هنوزعهم في الصينية على كل الأطراف بشكل متساوي
9- و اخيرا هنضيف سوتيه اللحم اللي جهزناها و نوزعها على كل الأطراف بشكل متساوي و هيك بيكون حهزت معنا أكلتنا لليوم هندخلها على فرن حامي على درجة حرارة 200 لمدة 20 - 25 دقيقة و نتركها لحتى تجهز
10- و لما تخلص معنا المدة هنطالعها من الفرن و فينا نضيف عليها شوي من البقدونس على حسب الرغبة و هنقدمها بالشكل و الطريقة اللي منحبها
وصحة و عافية


طريقة عمل كباب الباذنجان في الفرن
https://youtu.be/3DCN1Wm06UU

طريقة عمل كباب الباذنجان في الفرن
https://youtu.be/58sf7OSPQy8

وصفة كباب بالباذنجان في الفرن
https://youtu.be/NpcVar9S-CQ

طريقة عمل أكلة الباذنجان الجاف بالبرغل
https://youtu.be/MvGyU31x310

طريقة عمل صلصة الباذنجان
https://youtu.be/N7NgeLMn5Ps

صينية الباذنجان بالجبنة الموزاريلا بالفرن
https://youtu.be/A0JuE3t-F_s

اكلة تركية بالباذنجان واللحمة المفروم
https://youtu.be/3d_MpVowGYY

طريقة عمل باذنجان باللحم المفرومة
https://youtu.be/hzWtUs782PQ

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky