إنسوا كل الطرق اللي جربتوها للبوريك من قبل ???? طريقة عمل بوريك اللحم بعجين الأسطوري

اليوم عنا طريقة عمل بوريك جديد و فيني قلكم تنسوا كل الطرق اللي جربتوها من قبل طريقة عمل بوريك اللحم بعجين من أكثر الوصفات السهلة اللي ممكن تجربوها و اذا عجبتكم الوصفة لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
5 قطع من عجينة اليوفكا
1 حبة من صفار البيض

مكونات الحشوة:
300 جرام من اللحمة المفرومة
1 حبة من الفلفل الأخضر
2 حبة من البندورة
1 حبة من البصل
1\2 ملعقة كبيرة من صلصة البندورة
1\2 كوب شاي من الزيت
البقدونس
1 ملعقة صغيرة من الملح
1 حبة من الثوم
1 ملعقة صغيرة من الفلفل الأسود
1 ملعقة صغيرة من الكمون

مكونات الصوص:
1 كوب شاي من الحليب
1\2 كوب شاي من الزيت
1 حبة من بياض البيض
1\2 ملعقة صغيرة من الملح

طريقة التحضير:
1- بالبداية لتجهيز الحشوة هنضيف في طبق مناسب اللحمة المفرومة, الفلفل الأخضر ونكون مقطعينه على شكل ناعم, البندورة و نكون بارشينها, البصل ونكون مقطعينه, صلصة البندورة, الزيت, شوي من البقدونس و نكون فارمينه على شكل ناعم, الملح, الثوم المهروس, الفلفل الأسود و الكمون و نحرك كل المكونات مع بعضها منيح
2- بعدين لتجهيز الصوص هنضيف الحليب, الزيت, بياض البيض و الملح و نخفقهم مع بعض منيح و هيك بيكون جهز معنا صوص البوريك
3- اما هلق هناخد قطع عجينة اليوفكا و نقطعهم على شكل مثلثات و ناخد شوي من الصوص اللي جهزناه و ندهن قطعة عجينة اليوفكا بشكل متساوي
4- و لتشكيل القطع هناخد الشوبك و نحطه على طرف العجينة و ننتبه مكان ما نحط الشوبك ما نكون داهنين من الصوص لحتى نسهل علينا طريقة التشكيل
5- بعدين هنسكر العجينة على شكل الرول و نترك شوي من العجينة بعدين نضغط من أطراف العجينة للوسط لأكثر حد ممكن و نطالع الشوبك من العجينة
6- واخيرا هنسكر اطراف العجينة على بعض و بمساعدة الطرف اللي تركناه من العجينة هيساعدنا على مسك الأطراف لحتى ما يفتحوا و نكمل بنفس الطريقة لحتى تخلص معنا كل كمية قطع عجينة اليوفكا
7- بعدين هنحط كل القطع اللي جهزناهم في صينية الفرن و ناخد شوي من الحشوة اللي جهزناها و نحط منها بكل قطعة من قطع البوريك
8- و لما نخلص هناخد حبة من صفار البيض و نخفقها و ندهن أطراف القطع لحتى يعطينا لون جميل
9- و اخيرا هندخل بوريك اللحم بعجين على فرن حامي على درجة حرارة 190 لمدة 30 - 35 دقيقة
10- و لما تخلص معنا المدة هنطالعهم من الفرن و نقدمهم بالطريقة اللي منحبها و فيكم تقدموا معهم شوي من البقدونس والبندورة و الليمون
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky