إنسوا كل وصفات الفطائر اللي جربتوها من قبل ???? طريقة عمل الفطائر القطنية الأكثر طراوة على الإطلاق ?

اليوم عنا طريقة عمل الفطائر القطنية هنعملها بطريقة مجربة كتير و مضمونة من أسهل الطرق اللي ممكن تجربوها و بمكونات قليلة و طعم لذيذ و هتكون من أكثر الفطائر الطرية اللي هتجربوها على الإطلاق و ذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky?sub_confirmation=1

المكونات:
1 حبة من صفار البيض
1 ملعقة كبيرة من الزيت
السمسم

مكونات العجينة:
2 كوب من الحليب الدافئ
1 كوب شاي من الزيت
1 حبة من بياض البيض
3 ملاعق كبيرة من السكر
6 أكواب من الطحين
1 ملعقة كبيرة من الملح
1 باكيت من الخميرة
2 ملعقة كبيرة من الزبدة

مكونات الحشوة:
250 جرام من الجبنة البيضاء
1 كوب شاي من جبنة الموزاريلا
1\2 حزمة من البقدونس

طريقة التحضير:
1- بالبداية لتجهيز العجينة هنضيف في طبق مناسب الحليب الدافئ، الزيت، بياض البيض و السكر و نحرك كل المكونات مع بعض منيح
2- بعدين هنضيف قسم من الطحين، الملح و الخميرة الفورية و نبدا بعجن المكونات و نحن و عم نعجنهم هنكمل بإضافة الطحين بالتدريج لحتى تبدا تتماسك معنا العجينة
3- اما هلق هنحط العجينة على طاولة العجن و نبدا نلمها على بعضها لحتى تجهز بعدين هنضيف على وسط العجينة الزبدة و لازم تكون بدرجة حرارة الغرفة و نعجن العجينة للمرة الاخيرة
4- و لما تجهز معنا العجينة هنحطها في طبق مناسب و نحط عليها قطعة من ورق الستريتش و قطعة من القماش و نتركها على جنب لحتى تختمر و ترتاح معنا لمدة 1 ساعة كاملة
5- و لما تخلص معنا المدة و نشيل العجينة من الطبق هنحطها على طاولة العجن و نبدا نلمها على بعض بعدين هنقطعا بالبداية ل3 قطع متساوية بعدين ل18 قطعة و ناخد قطعة قطعة من قطع العجين و نلمهم على بعض
6- اما هلق قبل ما نبدا بتشكيل القطع هننتقل لتجهيز الحشوة و هناخد الجبنة البيضاء، جبنة الموزاريلا و نكون بارشينها و البقدوس و هنكون فارمينه على شكل ناعم و نحركهم مع بعض و هيك بيكون جهزت معنا الحشوة و طبعا فيكم تضيفوا أي نوع تاني من الحشوة على حسب الرغبة
7- و لتشكيل قطع الفطائر هناخد اول قطعة من قطع العجين و نبدا نفتحها بأيدينا و نضيف فيها شوي من الحشوة اللي جهزناها
8- بعدين هنسكر قطعة العجين على شكل الرول و ننتبه نسكرها من الأطراف لحتى ما تطلع منها الحشوة و نحد القطعة في صينية الفرن على ورق الزبدة و نكمل بنفس الطريقة لحتى تخلص معنا كل الكمية
9- اما هلق هناخد حبة من صفار البيض و الزيت و نخفقهم مع بعض منيح بعدين هنضيفهم على قطع الفطائر اللي جهزناها لحتى لما يجهزوا يعطونا لون جميل
10- و أخيرا هنضيف شوي من السمسم على القطع و هيك بيكون جهزوا معنا قطع الفطائر هلق هندخلهم على فرن حامي على درجة حرارة 180 لمدة 25 دقيقة و نتركهم لحتى يجهزوا
11- و لما تخلص معنا المدة و نطالعهم من الفرن هنستنى عليهم لحتى تطلع منهم الحرارة الأولى بعدين هنقدمهم بالطريقة اللي منحبها
و صحة و عافية

طريقة عمل الفطائر القطنية بجبنة الشيدر و السجق
https://youtu.be/fNxWGior-SA

طريقة عمل الفطائر بحشوة جبنة الشيدر
https://youtu.be/fw1_cFJXhRk

طريقة عمل فطائر البيتزا الطرية
https://youtu.be/RdI6Ck7GvaE

طريقة عمل عجينة فطائر مناسبة لجميع الحشوات
https://youtu.be/PbP0tB-DbFk

فطائر الكتمار بالجبنة على الطريقة التركية
https://youtu.be/bnlU5xhCYNA

طريقة عمل الفطائر بالجبنة
https://youtu.be/NYq1v97wtqo

طريقة عمل وصفة الفطائر التركية الخطيرة
https://youtu.be/ewRh3IbpYOo

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky