إنسوا كل وصفات الفطائر ???? طريقة عمل الفطائر بحشوة جبنة الشيدر ???? من المطبخ التركي

برعاية Pirge..

اليوم عنا طريقة عمل فطائر بجبنة الشيدر من أكتر الوصفات السهلة اللي ممكن تجربوها لعجينة الفطائر اما الحشوة ممكن تضيفوا اي نوع من أنواع الجبنة او البطاطا المسلوقة او حتى السبانخ و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض

.حتى لا يفوتكم وصفاتنا يمكنكم الاشتراك فى القناه.
https://www.youtube.com/c/elmatbakhelturky

إذا كنت بحاجة لاكتشاف سكاكين حادة تساعدك بطبخ وصفاتك الطيبة وتسهلك عملك في المطبخ وبنفس الوقت شكلها لطيف وبسيط وما بتصدي.. أضغط على الرابط و لا تفوت الفرصة الآن و اكتشف انواع السكاكين الجديدة
https://www.pirge.com/en/products?line=27

المكونات:
1 كوب من الحليب الدافئ
1 كوب من الماء الدافئ
1 حبة من البيض
1 كوب شاي من الزيت
1 ملعقة صغيرة من الملح
1 باكيت من الخميرة
1 ملعقة صغيرة من السكر
5 أكواب من الطحين

مكونات الحشوة:
جبنة الشيدر

للتغميس:
6 ملاعق كبيرة من دبس العنب
1\2 كوب شاي من الماء
السمسم

طريقة التحضير:
1- بالبداية هنضيف في طبق مناسب الحليب, الماء الدافئ , البيض, الزيت و الملح و نحرك كل المكونات مع بعض منيح
2- بعدين هنضيف نصف الكمية من الطحين, الخميرة و السكر و نحرك المكونات مع بعض و نكمل بإضافة الطحين و نبدا بعجن العجينة
3- و نحن و عم نعجن العجينة هنحطها على طاولة العجن مع شوي من الطحين و نكمل بعجين العجينة و نحن و عم نعجنها ممكن تلتصق بالطاولة و بمساعدة قطاعة العجين رح نقدر نكمل العجن و نشيل القطع اللي عم يلتصقوا
4- و لما تجهز معنا العجينة رح نحطعا في طبق مناسب و نحط عليها قطعة من ورق الستريتش و قطعة من القماش و نتركها لمدة 45 دقيقة تقريبا لحتى تختمر معنا
5- و بهالوقت لتجهيز الحشوة رح ناخد جبنة الشيدر و نفرمها على شكل مكعبات صغيرة و متساوية باستخدامنا لسكينة الجبنة و طبعا اذا مو متوفرة عندكم جبنة الشيدر فيكم تستخدموا اي نوع من انواع الجبنة التانية
6- اما هلق لما تجهز معنا العجينة رح ناخدها و نحطها على طاولة العجن و نبدا بلم العجينة
7- و لما تتماسك معنا العجينة رح ناخد قطاعة العجين و نقطع العجينة لقطع متساوية انا قطعتها ل15 قطعة اما انتو فيكم تعملوهم على حسب الحجم اللي بتحبوا
8- و هلق رح نبدا بلم قطع العجين اللي قطعناهم بايدينا و نعملهم على شكل دائري و نحط كل القطع اللي جهزناهم على قطعة قماش و نكمل بنفس الطريقة لحتى تخلص معنا كل الكمية
9- اما هلق رح ناخد في طبق مناسب دبس العنب و الماء و نحركهم مع بعض و هاد الخليط رح نستخدمه لما نخلص من تشكيل الفطائر
10- بعدين رح ننتقل لتشكيل الفطائر و ناخد اول قطعة من قطع العجين و نحاول نفتحها بايدينا بعدين رح نحط شوي من جبنة الشيدر و نسكر العجينة على بعضها و نبدا نعملها بايدينا على شكل دائري و نكمل بنفس الطريقة لحتى تخلص معنا كل القطع
11- و لما نخلص رح ناخد قطعة قطعة و نغمسهن بالبداية بخليط دبس العنب اللي جهزناه بعدين بالسمسم و نحط كل القطع اللي جهزوا في صينية الفرن على ورق الزبدة
12- و لما نخلص من كل كمية الفطائر رح ناخد سكينة و نعمل 3 فتحات تقريبا بكل قطعة من قطع الفطائر و بهي الطريقة رح تعطينا شكل اجمل
13- و هلق رح ندخل صينية الفرن على فرن حامي على درجة حرارة 180 لمدة 30 دقيقة
14- و لما تخلص معنا المدة و نطالعهم من الفرن رح نستنى لحتى تطلع منهم الحرارة الاولى بعدين رح نقدمهم بالطريقة اللي منحبها
و صحة و عافية

يمكنكم الاشتراك فى صفحتنا على الفيسبوك.
https://www.facebook.com/elmatbakh.elturky

يمكنكم متابعتنا على الانستغرام.
https://www.instagram.com/elmatbakh.elturky